Hamingjudagar á Hólmavík í endaðan júní næstkomandi.

sem ekkert er annað en að klikka á tengilinn. Eg vona að það sé ekki mikið flókið hjá fólki að klikka á þetta hér Hólmavík þó að það séu gerðar meiri kröfur til þeirra sem vilja leggja orð í umræðuna. En aðalmálið er heiðarleg og ekki síst vinsamleg umræða sem  Hólmavíkurvefurinn snýst um. Kosningarnar og málefni íbúanna er rétt handan við hornið.

 Klikkið hér www.123.is/holmavik/

Það átti að koma fram á Strandaspjalli að Strandaspjallið væri að hætta. En í þann mund sem eg var að seta það inná spjallið þá hrundi blog.centralkerfið og allt bloggið í gær fór í rúst og líka færslan þar á undan. Þannig að einhver tók í taumana.

En það verða meiri kröfur gerðar til þeirra sem kommenta.Og eins verður ekki bloggað uppá hvern einasta dag,enda er það míkil vinna að gera slíkt.
Slóðin er hér www.123.is/holmavik/ .

                                                       Ný Doosan beltagrafa afhent.

Heimild,mbl.is.

                      Smá viðbót við pistilinn í gær.

Það komu margar skemtilegar tillögur og ábendingar frá þeim starfshópum sem voru í nefndarvinnunni, jafnt frá unglingum og fullornum.

En eg ætla að nefna einvörðungu þær tillögur sem að mínu mati eru góðar og sumar hverjar hafa komið til umræðu á spjallinnu.Í fyrsta lagi var mikið rætt um skipulagsmálin sem vert er að taka á,og hvar er hægt að bygga ef einhver vill það? . Þessi þáttur er mjög brothættur,vegna þess að nánast ekkert svæði undir íbúabyggð er til á löglegu skipulagi. 6 til 8 lóðir er hægt að bygga á við Miðtún. 1 lóð við Lækjartún og svo búið. Þannig að það var lagt til að kanna hvort það sé hægt og raunhæft að bygga í Brandskjólunum.  

Frá íbúðarlóðum til sumarhúsalóða. Og þar er sama sagan, ekkert er skipulagt í þeim efnum. En það eru til 7 tilbúnar lóðir í Skeljavík, þar sem áður var í nokkur ár sumarhús, en sú útgerð fór á hausinn, en allavega eru þar undirstöður undir sumarhús. Og svo var bent á gott sumarhúsaland norðanmegin við Þiðriksvallarvatn, skamt frá stíflunni, frábær staður. 

Og umhverfið var auðvitað reifað fram og til baka. Ruslahaugarnir voru mjög ofarlega í umræðunni, einsog vænta mátti, og allt skipulag á þeim bænum. Brattagatan kom talsvert við sögu, hvar og hvernig væri best að hafa hana. 

                         Talvan enn og aftur biluð.

Tölvuhelvítið er ekki nema 3 ára og er búin að bila æði oft, en sú ending. Kannski fæ eg aðra tölvu frá aðdáendum bloggaranns, hver veit. En læknirinn er væntanlegur til að kíkja á tölvuskömminna á morgun, sjáum hvað kemur út úr því.

En eg tók nokkrar myndir í dag í sólskinsblíðunni sem eru eftirfarandi þessar.   1 og 2, heflun og holur fylltar í Kollafirði. 2 og 4 eru verktakafeðgar að vinna við smábátahöfnina og efninu sturtað við Norðurfjörunna. 5 Hverinn í Hveravík þar sem áður var sundlaug. 6 Hróbergsvatn ísilagt með Fitjarbungu í baksýn.

Karlakór í kirkjunni 31 mars kl 21.00

Karlakór Bólstaðarhlíðarhrepps í Húnavatnssýslu verður með tónleika í Hólmavíkurkirkju næstkomandi laugardagskvöld 31 mars kl 21.00.

 Og að sögn Strandamannsinns, lögreglumannsinns og ekki síst söngmannsinns og veiðimannsinns á Blönduósi, Höskuldar Birkis Erlingssonar er fjöldi kórsins um 30 manns.Og Höskuldur vænti þess að fyrrum sveitungar hans fjölmenni á tónleikana á laugardaginn kemur.Og það er aldrei að vita hvort Höskuldur hafi æft með kór sínum það lag sem er nær alltaf sungið á mannfögnuðum ef fleiri en einn koma saman sem nefnist þá partí, Drangnesbragin. Annars eru ekki alltaf Strandamenn bestir? 

Þessar 3 myndir voru teknar á Gálmaströnd um þrjúleitið í dag í dásemdarveðri eins og sést á þessum myndum.

Og eftir seinni póstferðina í dag brá eg mér uppá Steingrímsfjarðarheiði í sannkallaða bongóblíðu rétt áður en sólin settist. Það er komin talsverður snjór á heiðina, meira en hefur komið undanfarin ár. Eg tók þrjár myndir í þessari ferð, Sæluhúsið er alltaf flott, og líka var flott gil fyrir neðan Kleppustaði sem eg man ekki hvað heitir, og svo í lokin er mynd af Stað. Þannig var dagurinn að mestu hjá mér í dag, vel yfir 300 km.

Eg sá viðtal við Smára Geirsson yfirkomma þeirra Austfirðinga og bæjarstjórnarmann og ekki síst stóriðjufrömuð og talsmann Austfirðinga í framkvæmdarmálum.

Af hverju er eg að minnast á þetta núna? vegna ýmsra manna og kvenna sem hafa verið að tjá sig um þessi svonefnd stóriðjumál. Og ekki má gleyma þeim alltof mörgu viðtölum sem fréttamenn rúv vest hafa átt við bæjarstjóra Ísafjarðarbæjar Halldór Halldórsson sem hefur margsinnis tönglast á nafninu Vestfirðir stóriðjulausir. Og að Vestfirðingar eigi einvörðungu að hagnast á ferðamennsku, þó ekki um Öldugilsheiði.

Að sjá í sjónvarpinu þennan ótrúlega byltingarmann á Austfjörðum Smára Geirsson var mjög gaman. Þar er framkvæmdamaður á ferðinni og veit nákvæmlega hvað hann vill. Hann sagðist hafa sagt við vini sína Vestfirðinga þegar Vestfirðingar yfirlýstu það á sínum tíma að Vestfirðir yrðu stóriðjulausir um aldur og æfi og Vestfirðir yrðu markaðssett einvörðungu fyrir ferðaþjónustu, að markaðsetja alla Vestfirði fyrir ferðaþjónustu er algjört glapræði sagði Smári Geirsson. Hann sagði það þyrfti miklu meira að koma til en bara að vera með ferðaþjónustu og skylt efni.

Stór-iðja hver sem hún er, sem skapar mörg störf og mikla fjármuni til Vestfjarða ef menn hugsa rökrætt mundi lyfta Vestfirðum upp úr þeim öldudal sem hann er og hefur verið að sigla inní síðustu ár og mánuði.

Það þýðir ekkert fyrir sveitarstjórnarmenn á Vestfjörðum að væla um að störfum fækki á kjálkanum. Eg get ekki betur séð en að sveitarstjórnarmenn á Vestfjörðum á liðnum árum og fram á þennan dag sé um að kenna, hvernig er komið fyrir okkur sem búum á kjálkanum.

Okkur Vestfirðinga vantar svo sem einn Smára Geirsson til að blása lífi í þá lífæð sem er nánast að deyja út vegna æðakölkunnar stjórnenda kjálkanns, þræðing þarf að fara fram. Söfnum liði og stöndum vörð og fjölgum mörgum vinnandi höndum til Vestfjarðar. Burt með allt ruglið. Einn stykki Smári Geirs er málið. Viðtalið er inná Vísi.is hádegisviðtal 24 mars.

Miðdalurinn

Veðurfar á Ströndum er með skrítnara móti og vitandi það að það er ennþá mars. Öllu jöfnu er mars með talsverða snjóa og sömuleiðis frost, en veturinn í vetur hefur verið undanlega skrítinn. Snjór sést varla á lálendi, vegir eru svipaðir og var á vorin fyrir 30 árum síðan, eintómt drulluholusvað. Úti er hífandi rok og rigning, en í gær var dagurinn að hluta til bjartur og falegur.

Í sólinni í gær tók eg tvær myndir frá Geststöðum, og önnur myndin er af fallegu fjalli sem er fyrir ofan fyrrum íbúðarhúsið á Tind og fjallið heitir sama nafni og bærinn sem þar var. Þokan lék sér í hlíðum tindsins ásamt skafrenningi, fallegt samspil. Og hin myndin úr Miðdalnum er þar sem Miðdalurinn byrjar að þrengjast, og þar fyrir framan eru svo þrír dalir. Og sama sagan, þokan lék sér í sunnanverðum hlíðum dalsins sömuleiðins skafrenningurinn.

Og svo í dag sá eg þennan fallega regnboga yfir firðinum.

                                   Rafmagnsbílar.

Bílar framtíðarinnar verða knúnir áfram með rafmagni í bland við hefðbundið eldsneyti. Ólíkt eldri tvinnbílum, sem fyrir eru, verður hægt að stinga þessum í samband við rafmagn og hlaða þá á næturnar meðan ökumaður sefur.

Það er engin spurning að framtíðartæki 21 aldarinnar eru rafmagnsbílar/tvinnbílar,sem verða komnir með miklu betri endingu á rafgeymum/hleðslu sem munu endast nokkur hundurð kílómetra. Og framtíðar rafmagnsbílarnir verða með öllu hávaðalausir og auðvitað umhverfisvænir.

Bílafloti Íslendinga er ekki sérlega sparneytinn í dag, önnur kynslóð tvinnbíla sem margir þekka í dag - blöndu rafmagns- og bensínbíla er í stöðugri þróun.

Og eg vænti þess að innan ca 5 ára verði hægt að keyra á milli Hólmavíkur og Reykjavíkur fram og til baka á rafmagni/einni hleðslu, einni saman. Og eftir þeim reglugerðum sem settar hafa verði sem varðar tolla á Tvinnbílum,verða engir tollar á þessum bílum sem nefnast þá umhverfisvænir.

Eg bíð spenntur eftir þessum Tvinnbílum,fæ mér örugglega einn, en hvenær er ekki vitað.

Skoðið FÍB vefin www.fib.is/ 

Ekki sóttu margir um að keyra hjá Kaupfélaginu. Annar vörubifreiðarstjórinn sem vinnur hjá kaupfélaginu er að hætta, og er að fara yfirí verktakageirann. En einungis einn sótti um að keyra hjá Ksh. Og þessi eini sem sótti um var boðaður til viðtals hjá kaupfélagstjóranum í fyrradag, og eftir að umsækjandin spurði kaupfélagstjórann um kaup og kjör sem hann fékk að vita hjá stjóranum, þá afþakkaði umsækjandinn pent þau kaup og kjör sem stjórinn tjáði honum.

Í morgun hitti eg þann sem sótti um og hann sagðist næstum hafa verið kjaftstopp þegar stjórinn sagði honum hve mánaðarlaunin væru, ríflega 130.000. Eitthundrað og þrjátíuþúsund, plús yfirvinna, kannski nást þá launin í 250.000? sem er skömm.

Að keyra vöruflutningarbíl á öllum tímum sólarhrings er mikil ábyrgð og þrældómsvinna. Ökumaður er sjaldan heima og vinnur flest öll kvöld og sumar nætur og er oft í miklu kapphlaupi við svonefnda kjaftakellingu (ökurita) og hvíldartíma.

Eg fer þess á leit við stjórn Ksh að stjórinn kynni sér hvað aðrir flutningabílstjórar hafa í kaup á tíman og á mánuði. Eg fullyrði það að þessi 130 þúsund sem Ksh greiðir/býður á mánuði í laun megi í það minnsta margfalda það með þremur ef ekki meira hjá flest öllum flutningafyrirtækjum/verktökum.

Að bjóða á árinu 2007, 800 kall á tíman er skömm, algengt tímakaup hjá vörubifreiðarstjórum og tækjamönnum er frá 1.500 og uppúr á tímann. Eg get sagt stjóranum það að fyrir rúmum 20 árum síðan eða svo var algengt að menn sem óku vörubíl og voru á vinnuvélum fengju ekki minna en 1.000 > þúsundkall á tíman. Manni virðist að mörgu leiti þetta ágæta rótgróna framsóknarkaupfélag sé ekki í neinum takti við það sem önnur fyrirtæki bjóða,sem er miklu betri kjör.

Ekki stoppa bifreiðarstjórarnir lengi hjá Ksh sem er skiljanlegt,enda er önnur vinna annarstaðar margfalt betri launuð.

Íbúabyggð. Þetta er agalegt. Olíukálfur, gámur, boddí, aftanívagn og bretti:. Hörmung.

Með daginn í dag sem er senn liðin, er lítið hægt að segja og ræða um, sem er blessað veðrið eða hitt og heldur. Í dag hefur gengið á með vestan hryðjum og hífandi roki, þannig að skyggnið hjá mér í póstinum var stundum lítið sem ekki neitt. En á væntanlega að hlána og hlýna á morgun. Vorið er alveg að koma, í fyrradag voru mörghundruð tjaldar um allan Kollafjörð, og það var líka slatti af tjöldum við Víðidalsárósin og víðar. Svo er talsvert um svartþresti og álft og gæsir eru líka að koma,2 til 3 vikum of snemma en algengt er.

En myndir dagsins er að finna á myndasíðunni af skrítnum köllum, bát á veiðum, snjókallagerð og fleira, og líka er að finna á myndasíðunni góðan og fallegan mat sem fáir geta gert jafn vel og Bára Karlsdóttir og Kristján Jóhannsson hér í bæ. Matarmyndirnar tók matarskreytingarmeistarinn og smiðjustjórinn í Víkinni Jóhannsson sjálfur.

Fleiri myndir hér www.123.is/nonni/